गुरुनाथ संस्था परीवार एक आदर्श नेतृत्वाची झलक – माजी आमदार पोपटराव गावडे

टाकळी हाजी ( वृतसेवा ) : सहकार चळवळीला चांगले निस्वार्थी नेतृत्व लाभल्यास कशी प्रगती होऊ शकते हा गुरुनाथ पतसंस्थेच्या रुपाने आदर्श या तालुक्यात उभा राहीला असल्यांचे प्रतिपादन माजी आमदार पोपटरावजी गावडे यांनी केले .

कवठे येमाई ता शिरूर येथे गुरुनाथ पतसंस्थेच्या पाचव्या शाखेचे उद्घघाटन माजी आमदार पोपटराव गावडे यांच्या शुभहस्ते झाले . या वेळी पंचायत समितीचे माजी सदस्य डॉ सुभाष पोकळे, संस्थेचे अध्यक्ष नवनाथ राऊत, देखरेख संघाचे चेअरमन बाबाजी निचित, माजी पंचायत समिती सदस्य सुदाम इचके, साई कृपा पतसंस्थेचे चेअरमन वसंतराव जगताप ,सचिव सावकार पिंगट,माजी सदस्य दिनेश बाबर ,टाकळी हाजीच्या सरपंच अरुणाताई घोडे, माजी सरपंच बबनराव पोकळे, शिरूर तालुका मराठी पत्रकार संघाचे तालुका अध्यक्ष संजय बारहाते,उदयोजक बाळासाहेब डांगे,माजी सरपंच बाबुराव निचित, प्राचार्य आर बी गावडे, काठापुरचे सरपंच बिपीन थिटे, संचालक संपतराव पानमंद, माजी सरपंच गबाजी पिंगट,माळवाडीचे सरपंच सोमनाथ भाकरे, संस्थेचे उपाध्यक्ष पाडुरंग निचित माजी सरपंच दिपक दुडे, माजी सरपंच गोविंद नरवडे ,सुभाष निचित, संविदणे सोसायटीचे चेअरमन अरुणकुमार मोटे,माजी उपसरपंच कानिफनाथ हिलाल,व्यवस्थापक राजेंद्र उंडे यांच्यासह सभासद ग्रामस्थ उपस्थित होते .
यावेळी माजी आमदार पोपटरावजी गावडे म्हणाले की गुरुनाथ पतसंस्थेचे अध्यक्ष नवरात राऊत व त्यांच्या सर्व सहकाऱ्यांनी अल्पावधीतच गुरुनाथ पतसंस्थेच्या पाच शाखा विस्तार करीत बेटभागात गुरुनाथ च्या रूपाने सर्वसामान्य जनतेला आर्थिक मदतीचा हात देण्याचे काम केले आहे .पाच शाखा काढणारी गुरुनाथ ही या भागातील पहिलीच संस्था असून गुरुनाथ च्या रूपाने संस्थेचा विस्तार निश्चितच तालुका व जिल्हा पातळीवर होईल असा विश्वास यावेळी पोपटरावजी गावडे यांनी व्यक्त केला .
यावेळी पंचायत समितीचे माजी सदस्य सुभाष पोकळे म्हणाले की कवठे गावामध्ये मोठ्या प्रमाणात बाजारपेठ वाढत असताना येथील तरुण उद्योजकांना आर्थिक पुरवठा करण्यासाठी गुरुनाथ पतसंस्थेच्या रूपाने सुरू झालेली ही संस्था निश्चितच तरुण वर्गाचा आधार होईल .
संस्थेचे संस्थापक अध्यक्ष नवनाथ राऊत म्हणाले की शेतकरी शेतमजुर व्यवसायिक यांना सतत मदतीचा हात देत संस्थेने प्रगती केली असुन, संस्थेने मोबाईल बॅकींग सुविधा, क्यु आर कोड प्रणाली, आर टी जीएस ,मिनी एटीम सुरु केली , संपुर्ण शाखा सि सीटीव्ही कॅमेर्‍याच्या मधेआहे . १२ कोटी ठेवी आठ कोटी कर्जवाटप खेळते भांडवल १६ कोटी संस्थेचा एकुण व्यवसाय २० कोटीचा आहे . लवकरचं शिरूर येथे शाखा सुरु करणार असल्यांचे त्यांनी सांगितले .कार्यक्रमाचे प्रस्ताविक चेअरमन नवनाथ राऊत यांनी सुत्रसंचालन डीएम निचित यांनी केले .