तळेगाव दाभाडे ( वृत्तसेवा ) : वडीलांच्या कानाखाली किशोरे आवारे यांनी मारले याचा राग मनात धरून येथील माजी नगरसेवक भानू खळदे यांचा मुलगा गौरव खळदे यांने किशोर आवारे यांचा खुन करीत बदला घेतल्यांची माहीती समोर आली आहे .
गौरव खळदे याला पोलिसांनी शनिवारी रात्री उशिरा अटक केली आहे. या खुनाचा तो मुख्य सुत्राधार असल्याचे समोर आले आहे. खून प्रकरणात अटक करण्यात आलेल्या आरोपींनी ही कबुली दिली आहे.
काही महिन्यांपूर्वी जुन्या नगरपरिषद परिसरात भानू खळदे आणि किशोर आवारे यांच्यात खडाजंगी झाली होती. तेंव्हा आवारे यांनी भानू खळदे यांच्या कानाखाली लगावली मारली होती. त्याचाच राग मनात ठेवून भानू खळदे यांचा मुलगा गौरवने बदला घेण्याचं ठरवलं. त्यानुसार नगरपरिषद कार्यालयातच किशोर आवारे यांची क्रूर पद्धतीने हत्या करण्यात केली. त्यानंतर पोलिसांनी अटक केलेल्या आरोपींकडे कसून चौकशी केली, तेंव्हा त्यांनी गौरव खळदेच्या सांगण्यावरून हत्या केल्याची कबुली दिली आहे. अशी माहिती पिंपरी चिंचवड पोलिसांकडून देण्यात आली आहे.
जनसेवा समितीचे संस्थापक अध्यक्ष किशोर आवारे यांचा तळेगाव नगरपरिषदेसमोर अज्ञात व्यक्तींनी २१वार आणि ३गोळ्या घालत निर्घृण खून केला होता. आवारे यांचा मृत्यू झाला होता. त्यानंतर आवारे यांच्या कुटुंबियांकडून आमदार सुनील शेळके यांच्या सह त्यांच्या भावावर गुन्हा दाखल करण्यात आला होता. त्यात सुनील शेळके यांनी माध्यमांसमोर आपली बाजू मांडली होती. आपला या खुनाशी काही संबंध नसल्याचे त्यांनी सांगितले होते.
मात्र पोलिसांनी केलेल्या कामगिरीमुळे अवघ्या काही तासात पोलिसांनी मुख्य सूत्रधराला अटक करण्यात यश मिळवले आहे. या घटनेतील आरोपींनी याची पोलिसांकडे कबुली दिल्याने मुख्य सूत्रधार सापडला आहे. गौरव खळदे हा या प्रकरणात मुख्य सूत्रधार असल्याचे समोर आले आहे.